他朝再會-小丸子

或者好多人覺得男人老狗唔會睇小丸子，不過依粒櫻桃子的確係同我地一眾鍾意動漫既80後一齊經歷左一個少年時代。可能係因為佢簡單，所以睇完都會有份舒壓既感覺，每集就係一個小故事，所以唔需要為劇情想太多，亦唔需要刻意追看，好輕鬆。

「Beli Bala Beli Bala 不驚會跌倒…」

中學階段令我印象最深既係卡通主題曲《問題天天都多》，或者反映緊自己既生活，亦帶出左內心既疑問，不過最主要係好聽同易上口，最起碼佢絕對係我記得既經典兒歌之一。作者離世，媒體都舖天蓋地講述作者事跡，亦因此知到作者種種過去，知道依部作品係佢對家庭朋友及世界美好的幻想。個人深思左一陣…有時俾自己一個可以喘氣既空間，一個可以安撫內心既空間，其實又何嘗不可呢？
.
今日同作者暫別，希望喺同好既道路上 “他朝再會” !